CMB ta sigui impone su marca ariba deporte na Aruba y awor den Golf

Diasabra ultimo CMB a tene su di cuater Golf Invitational. E participacion di e top 108 aficionadonan di e wega di golf na Aruba a haci e campeonato aki un exito atrobe.

Por a tuma nota algun siman caba promer cu e torneo con diferente di nos golfer-nan local ta practica na Tierra del Sol. Preparando pa e encuentro especial aki.

CMB a priminti un dia yen di actividad, premio y sorpresanan y ta spera cu su clientenan y tur fanaticonan di e wega a goza plenamente. Durante e ceremonia a anuncia di biaha cu por spera un di cinco edicion di e torneo aki cu ya a bira esun di mas spera di tur aña.

Mas anochi a reparti tur e premionan pa e ganadornan y gerencia di CMB a gradici henter a staff di Tierra del Sol pa e trabaonan di preparacion pa asina e cancha ta den condicion optimal pa e evento. Mester mencioná cu esaki ta di dos aña tras di otro cu Cisco Quant si CMB mes ta gana e titulo maximo aki cu ta sigur un logro pa historia di deporte aki na Aruba.

Ariba potretnan adhunto por mira e mihor golfers di Aruba y tambe clientenan di CMB.